Halo gaes, langsung wae rasah fafifu iki cerito lanjutan sek wingi!
Antara Aku, Pak Polisi dan Warlok
Setelah terjadi negosiasi antara ibu dan anak yang menghasilkan keputusan bahwa si anak diperbolehkan untuk berangkat ke wonosobo, akhire aku langsung cus mangkat ning ngomahe sulkhan. Pas aku tekan omahe sulkhan ki jebul wis do tekan kabeh, dan sidane sik mangkat mung cah 4, aku, Tofa, Teyot, Sulkhan. Lungguh-lungguh sik bahas opo sek kurang karo repacking karena aku mung nggowo salin karo sb dadine digabung ning carrier sulkhan soale ben iso ganti-gantian karo tas drone. Setelah selesai semua, jam 9an mangkat. Ngeeengggg, perjalanan menuju basecamp ki normale nek numpak motor sekitar 2,5-3 jam dadi paling jam 12 wis iso tekan.
Sekitar jam 11 wis tekan Wonosobo, njuk lagi eling nek arep belonjo2 sek, yowis mampir indomaret sing bar alun-alun. Belanja air putih karo roti dan sek paling penting dan utama ki, nunut pipisss. Adem bingit e bosss. Bar belonjo lungguh-lungguh sek sisan sambat walaupun kademen tapi bokong tetep panasss dan memutuskan nek arep mbungkus sego wae nggo sahure soale wedi selak subuh nek arep masak-masak. Yowis lanjut perjalanan tapi alon-alon sisan melihat sekitar ono warung sek menarik ora. 5 menit pertama ki mbuh ngopo raono warung sek menarik, yowis lanjut jalann. Nah 5 menit berikutnya bingung, kok wis raono warung meneh yho???!?!? Dan 5 menit berikutnya akhire nemu pecel lelenan sek ono sego gorenge. "Mantap!" batinku.
"Sego goreng sekawan dibungkus pak, kalih teh panase sekawan diombe teng ngriki (Nasi goreng empat dibungkus pak, sama teh panas empat diminum disini)", kiro-kiro ngono kui le pesen.
Bar pesen langsung nglekar-nglekar ning tiker sek wis disediakke ning sebelah tendane. Pas teh panase diterke, tiba-tiba ono mobil polisi mandeg, 2 polisi medun, sek siji marani rombongan, sek sijine mlebu tendo pecel lelene. Nah sek marani ki jebul mung ngejak ngobrol-ngobrol sksd bds palapa (sok kenal sok dekat biar dikira saudara, padahal bukan apa-apa), yowis cerito-cerito bapake wis belasan taun urip ning wonosobo, padahal asline wonogiri, njuk gantian takon awakdewe asline endi dan ternyata bapake reti daerah-daerah bantul. Di tengah obrolan sek ra penting blas kui reti-reti sego gorenge dadi. Yowis ngadeg kabeh, ngolet-ngolet siap mangkat, pas aku meh mlebu warung njupuk sego gorenge ternyata malah dikekke polisine sek ket mau standby ning njero warung, asuuu :)) bakule rodo ngelirik karo prengas-prenges. Njuk polisine sek ngobrol ro awakdewe mau pamit, "monggo-monggo mas kulo ndisikan nggih, lenggah-lenggah riyin mawon". "Njih pak siappp :)))"
Dan seperti sudah menjadi patrap wong jogja, kegiatan menunggu nasi goreng berikutnya adalah ngerasani pak polisi seko awal teko, jagongan dengan luwesnya, dan pamit dengan senyumnya, hhhhh. Oke, sakjane ono siji neh sek mlumpati antrian sego goreng, warlok alias warga lokal sek dengan santainya menikmati piring nasi gorengnya di dalam tenda tapi aku males ceritone selak ra sabar pengen gek munggah gunung. Akhirnya kegiatan membeli nasi goreng diakhiri pukul 00.30 dan segera melanjutkan perjalanan ke basecamp Patakbanteng.
Bajigurr uademe pol lurrr, perjalanane mung 30 menitan tapi ademe jogja-wonosobo mau raono opo-opone. Tekan basecamp wis jam 01.00 njuk ngurus simaksi terus aku ro Teyot langsung sholat sek soale mau bengi rung sholat, hehe. Itung-itung kan sekalian pemanasan, masuk ra? bar sholat terjadi perdebatan sopo sek arep nggowo carrier isi tenda ndisikan. Udu, udu do wegah nggowo carriere, tapi do rebutan nggowo carrier, wkwk. Tapi ternyata terjadi kesalahpahaman, aku pengen nggowo ndisikan tekan pos 2 njuk gantian sakjane, soale aku reti nek basecamp sampe pos 2 ki setengahe pos 2 - puncak, HAHA. Tapi ternyata Sulkhan pengen nggowo mangkate njuk gentian ro aku pas mudun. Yowis to lur, sebagai wong sik legowo lan nrimo, sakjane yo rodo ra kepenak sih, tapi yowis aku ngalah wae :)
Bersambung :p
No comments:
Post a Comment